2016-05-01... BENASQUE

Apirilaren 30etik, maiatzaren 7ra, Andoni Urrutia, Aitor Cenitagoya eta Ruben Erizek Benasquera egindako irteeraren laburpen bat da ondorengoa. Eskiekin 5 mendi egin ditugu: Mulleres, Alba, Aneto, Perdiguero eta Paderna. Bideko bizikletekin pare bat aldiz atera gara. Benasquen apartamentu bat hartu genuen, eta oso eroso egon gara, giro onean eta egun gehienetan eguraldia ere gure aldekoa izan dugu.

Apirilaren 30 eta maiatzaren 7a bidaia egiteko erabili ditugu. Geldiune txiki bat eginda 4:30 behar dira Elorriotik Benasquera joateko.

2016-05-01, igandea, MULLERES 3.010 m.

Llanos del Hospitaletik abiatu behar izan gara Besurtara doan bidea elurrarekin itxita zegoelako.

LLanos del Hospital

Besurtako bideoa

Eguraldia eskasa da; Llanos del Hospitalen 5 gradu zero azpitik, elurra eta lainoa. GPSarekin aurrera egitea erabakitzen dugu. Besurtara eskiatzen heltzeko ordu eta laurden ematen dugu eta Mulleres tontorrera 5 ordu eta 15´. 

Aiguallutsen

Mullereseko tontorrean

Jaitsiera hasiera ez da ona izan, lainotuta ez zen ezer ikusten (gutariko bat mareatuta) baina erditik aurrera lainoa altxatzen joan da eta jaitsieraz disfrutatu ahal izan dugu. Besurtara heldutakoan Renclusa aldera zerbait igo dugu, hortik hobeto jaitsiko ginela pentsatuz (ez du merezi).

Guztira 9 ordu eta erdi, 26,59 km eta 1.597 m. positibo egiteko.       

Mullereseko tracka

2016-05-02, astelehena, ALBA 3.118 m.

Llanos del Hospitaletik abiatu gara, eguraldi on baina hotzarekin, 200 m porteatu ondoren, eskiak jantzi eta ordu eta 45 minututan Renclusa aterpera heldu gara. Zerbait jan eta eskumara abiatu gara Padernako lakurantz. Torrente de Albatik Pico Alba eta Tuca Blanca arteko kresta pasatu dugu (azken erresaltean eskiak kendu ditugu), eta ondoren, beste aldetik Albaren azken pala egin dugu granpoi eta pioletarekin. Tontorrera heltzeko, guztira 4:30 behar izan ditugu.

Renclusa aterpetxea

Albako azken pala

Alba mendiko azken pala igotzen bideoa

Jaitsi Tuca Blanca kontratik hasieran, eta Padernako tuboetatik ondoren Llanos del Hospitalera zuzenean eskiatzen egin dugu.

 
Guztira 7 ordu eta erdi, 16,41 km eta 1.395 m. positibo egiteko.

Pico Albako tracka

2016-05-03, asteartea, ANETO 3.404 m.

Ibilbide luzeagoa denez, gaur lehenago, 5:30etan, jaiki gara. Goizeko 7etan abiatu gara Llanos del Hospitaletik eta Plan de Estanen gorantz hartuta (lehenago ez du merezi) ordu eta erdian Renclusara heldu gara. Zerbait jan eta erritmo suabe eta konstantean Portillón Superiorrera 10:30etan heldu gara. Oso eguraldi onarekin eguerdiko 12:45etan heldu gara Anetoko tontorrera ( 5 ordu eta 45´).

Portillon superior igarota

Anetoko tontorrean

Mahoma pasatu gabe, Coronaseko lepora jaitsi eta han egon gara ordu bete luzez jaten eta egunaz eta paisaiaz disfrutatzen. Ondoren glaziarretik eta oso elur onarekin Aiguallutsera jaitsi gara eskiatzen. Larruak jantzi eta Besurtara. Tarte batzuk larruekin eta ondoren eskiatzen Llanos de Hospitalera heldu gara arratsaldeko 4etan.

Aiguallutsen, atzean Aneto

Guztira 9 ordu eta erdi, 23,21 km eta 1.742 m. positibo egiteko.

Anetoko tracka

2016-05-04, asteazkena, PERDIGUERO 3.221 m.

Remuñeko bailan gora

Perdiguerora Remuñeko bailaratik igo eta Literolako bailaratik jaitsita egin dugu. Horretarako, furgonetan igo dugu Remuñeko bailara hasten den tokiraino 1.800 m, ondoren batek furgoneta eraman du 2,5 km beherago, Literolako bailara heltzen den tokiraino. Bertan furgoneta utzi eta bizikletaz berriz igo da Remuñera (15´). Bizikleta han lotu eta oinez gorantz hasi gara. Porteoa 35´ 1950 metroraino. 

Portal de Remuñe, atzean Perdiguero

Bailara jarraituz Portal de Remuñe deitzen den leporaino fokeatu dugu (2831 m). Hemendik Perdiguero mendiaren bista itzela dago, baina gora abiatu aurretik 100 metro eskiatzen jaitsi behar dira Literolako lakura. 

Perdiguerora aurrez-aurreko palatik, ekialdekotik, igo dugu; eguzkiak asko jotzen dio eta elurra biguna du. Perdiguerora igotzen 5 ordu eman ditugu (kontuan izan aurregain bat duela, eta nahiko luze egiten dela azken zatia).

Perdiguero tontorrean

Literolatik jaitsi gara eta 2.150 metrotara eskiak kendu behar izan ditugu, zapatilak jantzi eta 500 metroko desnibela oinez jaitsi dugu. Gaurko egunean bero handia egin du.

Literola bailaran, oinez hasteko unea

Guztira 8 ordu eta 20´, 16,11 km eta 1.543 m. positibo egiteko.

Perdigueroko tracka

2016-05-05, osteguna, PADERNA 2.621 m.

LLanos del Hospitaletik Padernarantz

Goizeko 8etan abiatu gara Llanos del Hospitaletik (gaur hasi dira garbitzen Besurtara doan bidea, kotxeak pasa daitezen). Bide honetan 500 m egin ditugu porteatzen eta eskumara basoan sartu gara, eskiekin eta kutxilekin 3 ordu ondoren, goizeko 11etan Padernara heldu gara.

Paderna
 

Paderna tontorrean

Ordu bete tontorrean egon ondoren, Llanos del Hospitalera jaitsi gara tuboetatik eskiatzen (oso polita)

Lehen tubotik behera

Guztira 4ordu eta erdi, 9,37 km eta 902 m. positibo egiteko.

Padernako tracka

Arratsaldean bideko bizikletak hartu eta 30 km egin ditugu. Benasquetik irten eta 12 kilometroko igoera dago Cerlerreko eski estaziora.

Ampriu 1912 metro, 800 metroko desnibela.

2016-05-06, ostirala, Bizikletan.

Ez du oso eguraldi ona argitu. Tarteka euria eta hotz. Bizikletan Benasquetik Castejonera jaitsi eta Chia herrira igo dugu (3 km-ko igoera gogorra). Bertatik Planera jarraitzeko asmoa izan dugu baina errepidea pista bat da zati gehienetan eta zementoa batzuetan. Beraz, buelta eman eta Castejonetik Fades eta La Espina portuetatik Pont de Suertera joan eta etorri egin dugu.

Guztira 110 km eta 1900 metroko desnibela.

Azkenean, 6 egunetan, 7.179 metroko desnibel positiboa egin dugu eskiatzen eta 2700  bizikletan. Guztira ia 10.000 metro.

Egun hauetako argazki guztiak ikusteko: Aitorrenak,  Rubenenak